پاک فوج کے شعبہ تعلقات عامہ (آئی ایس پی آر) کے مطابق شمالی وزیرستان کے ضلع جھلر فورٹ میں دہشت گردوں کی موجود گی کی اطلاعات پر سکیورٹی فورسز نے آپریشن کیا جہاں فائرنگ کے تبادلے میں 4 دہشت گرد مارے گئے ہیں۔

ترجمان پاک فوج نے کہا کہ ایک دہشت گرد کی شناخت زار سعد اللہ کے نام سے ہوئی ہے جبکہ دیگر کی شناخت کا عمل جاری ہے۔

آئی ایس پی آر نے بتایا ہے کہ ہلاک دہشت گردوں سے اسلحہ اور گولہ بارود برآمد کیا گیا ہے، دہشت گرد سیکیورٹی فورسز کے خلاف کارروائیوں میں ملوث تھے۔