کراچی میں پریس کانفرنس کرتے ہوئے مرتضیٰ وہاب نے کہا کہ گورنر سندھ ایسی باتیں کر رہے ہیں شاید ان کو قانون کا کوئی پتا نہیں ہے۔

انہوں نے کہا کہ شیخ رشید کی ایسی ہدایات دینے کا مقصد لوگوں کو ڈرانا ہے، اب لوگوں کو ڈرانے کا وقت گذر چکا ہے۔

انہوں نے مزید کہا کہ پیپلزپارٹی ملک کے عوام کو ریلیف دینے کیلئے کوشش کر رہی ہے، عوام کو تب رلیف ملے گا جب عمران خان کی حکومت کا سورج غروب ہو جائے گا۔

مرتضیٰ وہاب نے کہا کہ جام عبدالکریم قومی اسمبلی کا ممبر ہے، ووٹ کاسٹ کرنا ان کا آئینی حق ہے، البتہ ان پر لگائے گئے الزام کا فیصلہ آنا باقی ہے۔