لاہور کے علاقے گلبرگ میں واقع شاپنگ پلازہ میں رات ایک بجے کے قریب آگ بھڑک اٹھی جس نے دیکھتے ہی دیکھتے پورے پلازے کو لپیٹ میں لےلیا، ڈیڑھ بجے کے قریب ریسکیو کو اطلاع ملی۔

ترجمان ریسکیو ڈبل ون ڈبل ٹو کے مطابق عمارت میں آگ بجھانے کے آلات نہیں تھے۔

دکاندار کافی برہم ہیں کہتے ہیں کہ آگ لگی نہیں لگوائی گئی،پلازہ مالکان نے آگ لگوائی، بریکر خود بند کرکے گئے تھے، ریسکیو اہلکاروں کو پلازہ انتظامیہ کی بجائے راہگیر نے آتشزدگی کی اطلاع دی۔

دکانداروں کی جانب سے ایک درخواست وزیراعلیٰ اور سی سی پی او کو بھی ارسال کی گئی ہے جبکہ 8گھنٹے بعد آگ پر قابو پاکر کولنگ کا عمل مکمل کیا جارہاہے،آگ بجھانے میں بیس ریسکیو گاڑیوں اور ساٹھ اہلکاروں نے حصہ لیا۔