سماجی رابطے کی ویب سائٹ ٹوئٹر پر پاکستان تحریک انصاف (پی ٹی آئی) کے ذاتی اکاؤنٹ پر بلاول بھٹو کے متعلق وزیر اعظم کے حالیہ تنقیدہ زدہ بیان کی مختصر ویڈیو کلپ شائع کی گئی جس پر صارفین کی جانب سے شدید اظہارِ برہمی جبکہ کہیں ان کی حمایت بھی کی جارہی ہے۔

جلسے سے خطاب کے دوران وزیر اعظم نے سابق صدر آصف علی زرداری سے مخاطب ہوتے ہوئے انہیں بلاول بھٹو کو اُردو کی درست جملہ سازی کرنے پر زور دیا جس کے بعد سوشل میڈیا بالخصوص ٹوئٹر پی ٹی آئی کے حامی اور مخالفین کے درمیان میدانِ جنگ بن گیا ہے۔

ایک صارف نے وزیراعظم کو آڑے ہاتھوں لیتے ہوئے لکھا کہ آپ کو اپوزیشن پر تنقید کرکے سارا وقت صَرف کرنے کے بجائے مہنگائی کم کرنے پر توجہ مرکوز کرنی چاہیے۔

دوسری جانب ایک اور صارف نے کہا کہ سلیکٹڈ وزیراعظم کو خود چھوٹے بڑے کی تمیز نہیں، انہیں چاہئے کہ وہ اپنے صاحبزادوں کو پاکستان بلا ئیں اور ان سے اردو بلواکر دیکھائیں۔