تفصیلات کے مطابق لاہور میں تین ماہ سے چھٹی نہ ملنے پر پولیس اہلکار نے خودکشی کرنے کی کوشش کی، اہلکار نے پہلے رائفل سے خود کو مارنے کی دھمکی دی اور بعد میں پانی والی ٹینکی پر چڑھ گیا۔

واقعے کی موبائل فوٹیجز منظرعام پر آگئی ، جس میں اہلکار فاروق کو رائفل پکڑے ہوئے دیکھا جا سکتا ہے جبکہ ساتھی اہلکار اس کو سمجھانے کی کوشش کرتے نظر آرہے ہیں۔

پولیس ذرائع کے مطابق اہلکار فاروق کا تعلق ناروال سے ہے اور وہ بٹالین 7 میں تعینات ہے۔

اہلکار نے 3 ماہ سے چھٹی نہ ملنے پر انتہائی قدم اٹھانے کی کوشش کی۔

پولیس اہلکار فاروق کی خودکشی کی کوشش ناکام بناتے ہوئے اس کا اسلحہ پولیس افسران کے حوالے کر دیا گیا ہے۔

جبکہ پولیس نے واقعے کی تفتیش شروع کردی ہے۔