آل پاکستان سیمنٹ مینوفیکچرز ایسوسی ایشن (اے پی سی ایم اے) کے مطابق فروری میں سیمنٹ کی مجموعی کھپت 43 لاکھ 60 ہزار میٹرک ٹن تھی، جس میں سے 39 لاکھ 50 ہزار ٹن مقامی سطح پر فروخت ہوئی۔

اس کے علاوہ فروری میں سیمنٹ کی برآمدات 34 فیصد کمی کے بعد 4 لاکھ 5 ہزار ٹن رہی۔

تاہم سیمنٹ ایسوسی ایشن کے مطابق 8 مہینوں میں سیمنٹ کی برآمدات 31 فیصد کم ہوکر 43 لاکھ میٹرک ٹن رہی۔

اس دوران اے پی سی ایم اے نے بتایا کہ سیمنٹ کی مقامی کھپت 3 کروڑ 14 لاکھ ٹن رہی، جو اعشاریہ 63 فیصد کم ہوئی ہے۔