تحریک انصاف کےاراکین اپوزیشن کی تحریک کیخلاف پراعتماد ہیں، حذب اختلاف کو آئندہ انتخابات تک انتظار کا مشورہ دے دیا۔

پی ٹی آئی اراکین کا کہنا ہے کہ وزیراعظم کیخلاف اپوزیشن کو ہمیشہ شکست ہوئی ہے ، آئندہ بھی شکست ان کا مقدرہوگا۔

تحریک پربیان حلفی کی مکمل تردید کرتے ہوئے تحریک انصاف کے ارکین کہتے ہیں کہ تمام اراکین پارلیمانی قانون کے تابع ہیں افواہوں میں کوئی صداقت نہیں ۔

اپوزیشن کا ماننا ہے کہ زبردستی کی شادی اورزورکی مہندی نہیں لگتی ، اب تحریک انصاف کے ٹکٹ کی کوئی اہمیت نہیں ،پیسے کی چمک اورزورکا دور ختم ہوچکا ،اب 22 کروڑعوام سے بیان حلفی لینے کا وقت آچکا ہے ۔

اپوزیشن کی جانب سے تحریک عدم اعتماد کی تاحال حتمی تاریخ نہیں دی گئی۔

ذرائع کےمطابق وزیراعظم عمران خان کی چوہدری برادران سے ملاقات کے بعد حکومت فرنٹ فٹ پرآ چکی ہے۔