پاکستان ٹیلی کمیونیکیشن اتھارٹی (پی ٹی اے) کے جاری کردہ بیان کے مطابق ٹرانس ورلڈ (TW1) سب میرین کیبل سسٹم میں گزشتہ روز شام 6 بجے کے قریب کیبل کٹ جانے کی اطلاع ملی ، اس خرابی کی وجہ سے پی ٹی اے نے بین الاقوامی بینڈوتھ کی بندش کے ساتھ انٹرنیٹ سروسز میں بھی کمی کا خدشہ ظاہر کیا ہے۔

اس کے نتیجے میں صارفین کیلئے انٹرنیٹ سروسز میں کمی واقع ہوسکتی ہے۔

اس حوالے سے پی ٹی اے نے اپنے جاری کردہ بیان میں کہا کہ"کنسورشیم ان اثرات کو کم کرنے کیلئے ایڈہاک بینڈوڈتھ کا بندوبست کر رہا ہے،خرابی کے صحیح مقام اور متوقع بحالی کے وقت کا پتہ لگانے کی کوششیں جاری ہیں۔"

ٹی ڈبلیو ون کیبل سسٹم 1,300 کلومیٹر پر محیط ہے جو پاکستان، متحدہ عرب امارات اور عمان کو ملاتا ہے۔