گیلپ پاکستان کی جانب سے کیے جانے والے سروے کے مطابق پی ٹی آئی حکومت کے پورے دور میں اعداد و شمار تقریباً مستحکم ہیں جبکہ نوجوان یہ کہنا چاہتے ہیں کہ ملک درست سمت میں گامزن ہے۔

چاروں صوبوں کے بالغ مردوں اور عورتوں کے قومی سطح پر نمائندہ نمونے سے مندرجہ ذیل سوال پوچھا گیا کہ "کیا آپ کے خیال میں ہمارا ملک درست سمت میں گامزن ہے یا غلط؟"

تاہم اس سوال کے جواب میں 43 فیصد نے کہا کہ ملک درست سمت جارہا ہے جبکہ 45 فیصد عوام نے کہا کہ غلط سمت کی جانب جارہا ہے۔

اس کے علاوہ 11 فیصد نے کہا کہ نہیں جانتے اور 1 فیصد نے کوئی جواب نہیں دیا۔

گیلپ سروے میں ملکی سمت کو غلط قرار دینے والوں میں مردوں کے مقابلے میں خواتین کی شرح زیادہ ہے.

اس کے ساتھ ہی درست سمجھنے والوں میں بڑی تعداد 30 سال سے کم عمر نوجوانوں کی ہے۔