سماجی رابطے کی ویب سائٹ ٹوئٹر پر اپنے ٹویٹ میں وزیر اطلاعات فواد چوہدری نے بہترین کارکردگی والے وزرا کو مبارکباد دی اور ساتھ ہی ان وزرا میں اپنا نام نہ ہونے کی وجہ بھی بتائی۔

وزیراطلاعات فواد چوہدری کا ٹویٹ میں کہنا تھا کہ وزارت اطلاعات اس لئے بہترین کارکردگی والی وزارتوں میں جگہ نہیں بنا سکی کیونکہ کارکردگی ان پروجیکٹس پرعملدرآمد سے جانچی جاتی ہے جو وزارت وزیراعظم آفس کودیتی ہے۔

فواد چوہدری نے مزید کہا کہ میں نے کچھ منصوبوں میں ردوبدل کیا ہے جو میرے خیال میں زیادہ سودمند ثابت ہوں گے، اگلی دفعہ انشا اللہ ۔