وزارت داخلہ کے مطابق وہ صدر مملکت ڈاکٹر عارف علوی اور وزیراعظم عمران خان سمیت اہم حکومتی اور سیکیورٹی حکام سے ملاقاتیں کریں گے۔

دونوں ممالک سعودی عرب میں قید پاکستانیوں کی رہائی اور بدلتی ہوئی علاقائی صورتحال سمیت دیگر اہم امور پر تبادلہ خیال کریں گے۔

ایک روز قبل اسلام آباد میں پریس کانفرنس کرتے ہوئے شیخ رشید کا کہنا تھا کہ سعودی عرب کے ساتھ پاکستان کے تعلقات ہمارے دل و دماغ کے انتہائی قریبی ہیں۔

انہوں نے کہا کہ ملاقات میں سعودی عرب میں پاکستانی قیدیوں کے معاملے پر بات کی جائے گی، پاکستان اپنے قیدیوں کی واپسی کے لیے پہلے ہی قطر، بحرین اور کویت سے رابطے میں ہے۔