تفصیلات کے مطابق سینیٹ میں قائد حزب اختلاف یوسف رضا گیلانی نے اپنے بیان میں کہا کہ انہوں نے سینیٹ کے اپوزیشن لیڈر کے عہدے سے استعفیٰ دے دیا ہے اور اپنا استعفیٰ پی پی پی قیادت کو بھی بھجوا دیا ہے۔

یہ اقدام حکومت کی جانب سے پارلیمنٹ کے ذریعے اسٹیٹ بینک کے متنازعہ بل کو بلڈوز کرنے کے چند دن بعد سامنے آیا ہے۔

یوسف رضا گیلانی نے اپنے استعفے کا اعلان کرتے ہوئے سینیٹ کے فلور پر اپنے خطاب میں کہا کہ سینیٹ کے اسپیکر اور ڈپٹی اسپیکر اسٹیٹ بینک بل کو منظور کرانے کے لیے قانون ساز اسمبلی کی کارروائی میں ہیرا پھیری کر رہے ہیں۔

انہوں نے کہا کہ بل کی منظوری کے بعد کچھ قانون ساز جن کی ساکھ خود ہی مشکوک ہے، یہ افواہیں پھیلا رہے ہیں کہ میں نے حکومت کی حمایت کی ہے۔