وفاقی وزیراطلاعات فواد چوہدری نے سماجی رابطے کی ویب سائٹ ٹوئٹر پر اپنے ٹویٹ میں کہا کہ چیف جسٹس گلزار آج ریٹائر ہو رہے ہیں انہوں نے اقلیتوں کی عبادت گاہوں کو لے کر جو تاریخی اسٹینڈ لیا اس سے ان کی عزت و تکریم میں بہت اضافہ ہوا۔

CJPجسٹس گلزار آج ریٹائرُہو رہے ہیں انھوں نے اقلیتوں کی عبادت گاہوں کو لے کر جو تاریخی سٹینڈ لیا اس سے ان کی عزت و تکریم میں بہت اضافہ ہوا، ایسے وقت میں جب ہندوستان کی عدلیہ شدت پسندوں کے ہاتھوں بے بس نظر آتی ہے جسٹس گلزار جیسے ججز نے اقلیتوں کو سہارا دیا اور آزادانہ فیصلے دئیے

— Ch Fawad Hussain (@fawadchaudhry) January 31, 2022

فواد چوہدری نے مزید کہا کہ ایسے وقت میں جب ہندوستان کی عدلیہ شدت پسندوں کے ہاتھوں بے بس نظر آتی ہے ،جسٹس گلزار جیسے ججز نے اقلیتوں کو سہارا دیا اور آزادانہ فیصلے دیئے۔

وفاقی وزیر فواد چوہدری نے اپنے ایک اور ٹویٹ میں کہا کہ اس سال سپریم کورٹ کے 5 جج صاحبان ریٹائر ہورہے ہیں، پارلیمان کو نئے ججز کی تعیناتی کیلئے آئینی ترمیم پر غور کرنا چاہیئے،اگر پارلیمان سپریم کورٹ میں تعیناتیوں کو آزادانہ اور شفاف بناتی ہے تویہ بہت بڑا کارنامہ ہوگا۔

اس سال سپریم کورٹ میں پانچ جج صاحبان ریٹائر ہو رہے ہیں پارلیمان کو نئے ججز کی تعیناتی کیلئےآئینی ترمیم پر غور کرنا چاہئےاگر پارلیمان سپریم کورٹ میں تعیناتیوں کو آزادانہ اور شفاف بناتی ہےتو یہ بہت بڑا کام ہو گا سیاسی جماعتیں اپنےاختلافات کو پس پشت ڈال کر اس اہم ترمیم کیلئے سرجوڑیں

— Ch Fawad Hussain (@fawadchaudhry) January 31, 2022

فواد چوہدری کا مزید کہنا تھا کہ سیاسی جماعتیں اپنے اختلاف کو پس پشت ڈال کر اس اہم ترمیم کیلئے سر جوڑیں۔