سی ٹی ڈی نے کوئٹہ میں داعش کے دہشت گردوں کی اطلاع پر مشرقی بائی پاس کے علاقے میں سرچ آپریشن شروع کیا تو دہشت گردوں نے فائرنگ شروع کردی۔

سی ٹی ڈی نے فائرنگ کے تبادلے کے بعد کالعدم داعش سے وابستہ 6 دہشت گردوں کو ہلاک کردیا۔

ہلاک دہشت گردوں میں داعش کا مقامی کمانڈر اصغر بھی شامل ہے، مارے جانے والے دہشت گردوں کے قبضے سے بھاری تعداد میں اسلحہ اور گولہ بارود برآمدکر لیا گیا۔

سی ٹی ڈی کے مطابق دہشت گرد ایک مکان میں موجود تھے، دہشت گرد سیکیورٹی فورسز پر بم حملوں میں ملوث تھے جبکہ رات کی تاریکی کا فائدہ اٹھاتے ہوئے 5دہشت گرد فرار ہوگئے ۔