وزیر اطلاعات نے سیاسی حریفوں کے ساتھ تعلقات کو ہموار کرنے کیلئے کہا ہے کہ "نئے سال 2022 کے آغاز پر میں سمجھتا ہوں کہ ہمیں تلخی کو کم کرنے کی ضرورت ہے۔

فواد چوہدری نے کہا کہ حکومت اور اپوزیشن کو انتخابات، معیشت، سیاسی اور عدالتی امور پر بات کرنی چاہیے۔

انہوں نے کہا کہ پاکستان ایک عظیم ملک ہے، ہمیں اپنی ذمہ داریوں کو سمجھنے کی ضرورت ہے پارلیمنٹ میں ہنگامہ آرائی عام آدمی کی نظروں میں سیاستدانوں کی ساکھ کو کم کرتی ہے اس سے سیاستدانوں کا وقار کم ہوتا ہے۔