پولیس کے مطابق پشاور کے علاقے تھانہ فقیر آباد کی حدود میں سی ٹی ڈی اور پولیس نے خفیہ اطلاع پر آپریشن کیا،آپریشن کے دوران دہشت گردوں نے پولیس پارٹی پر اندھا دھند فائرنگ کی۔

سی ٹی ڈی اور پولیس کی جوابی فائرنگ سے 3دہشت گرد ہلاک ہو گئے،ہلاک دہشت گرد سلیمان کا تعلق ضلع باجوڑ سے بتایا جا رہا ہےجبکہ باقی 2مبینہ دہشت گردوں کی شناخت کا عمل جاری ہے۔

سرکاری زرائع کے مطابق تینوں دہشت گرد سکھ قتل کیس سمیت پولیس اہلکاروں کی ٹارگٹ کلنگ میں بھی ملوث تھے۔

ڈیڈ باڈیز کو پوسٹ مارٹم رپورٹ کیلئے ایدھی ایمبولینس کے ذریعے منتقل کر دیا گیا ہے۔

آپریشن کے دوران دہشت گردوں سے جدید خودکار اسلحہ جس میں 3عددکلاشنکوف، پستول اور سینکڑوں عدد کارتوس برآمد کیا گیا ہے جبکہ دہشت گردوں کے دیگر روابط کاروں کے متعلق سراغ لگایا جا رہا ہے۔