سعودی ولی عہد شہزادہ محمد بن سلمان نے نے جدہ ٹاؤن کا ماسٹر پلان جاری کر دیا ، اس کی تعمیر کا مقصد شہر کے درمیان انٹرنیشنل فرنٹ تیار کرنا ہے۔

سعودی خبر رساں ایجنسی ایس پی اے کے مطابق جدہ ٹاؤن پروجیکٹ 75 ارب ریال کی لاگت سے تعمیر ہوگا۔

اس منصوبے کو 57 لاکھ مربع میٹر کے علاقے پر پبلک انویسٹمنٹ اور ٖغیر ملکی سرمایہ داروں کی فنڈنگ کے ذریعے تیار کیا جائے گا۔

جدہ ڈاؤن ٹاؤن منصوبے سے ملک کی معیشت کو2030 تک ہر سال 47 ارب ریال کی آمدن ہوگی۔

اس منصوبے میں قابل دید مقامات ہوں گے جن میں اسٹیڈیم،اوشن بیسن اینڈ کورل فارمز تیار کیے جائیں گے۔

اس کے علاوہ جدید طرز کے 17 ہزار مکانات سمیت مختلف درجے کے ہوٹلز تیار کیے جائیں گے جس میں 27 ہزار کمرے ہوں گے۔

مزید اس میں سیاحتی اور سیر و تفریح کے مقامات سے لوگ لطف اندوز ہوسکیں گے جب کہ اس منصوبے میں 500 سے زائد انجینئرز او کنسلٹنٹ شامل ہوں گے۔

اس کے بورڈ آف ڈائریکٹرز کے سربراہ شہزادہ محمد بن سلمان بن عبدالعزیز آل سعود ہیں۔

کمپنی اس منصوبے کو تین مراحل میں مکمل کرے گی، جن میں سے پہلا مرحلہ 2027 کے آخر تک مکمل ہونا ہے۔