جرنلسٹس پروٹیکشن کمیٹی (سی جے پی) نے اپنی رپوٹ میں بتایا ہے کہ جن صحافیوں کو گرفتار کیا ان میں بیشتر کا تعلق چین اور میانمار سے ہے۔

سی جے پی نے اپنی سالانہ رپوٹ میں بتایا ہے کہ رواں سال دنیا میں 293 صحافیوں کو گرفتار کیا ہے جن میں چین 50، برما 26، مصر25 ویتنام 23 اور بیلاروس میں 19 صحافیوں قید کیا گیا ہے۔

دنیا بھر کی جیلوں میں قید صحافیوں کے بارے میں رپورٹ میں بتایا گیا ہے کہ سال 2021 یکم دسمبر تک یہ تعداد293 تھی جو گزشتہ سال 280 تھی۔

اس کے علاوہ سی جے پی نے جیل میں قید صحافیوں کا ڈیٹا بھی مرتب کیا اور درجہ بندی بھی کی ہے۔

ٖٖجب کہ ملکی خبررساں ادارے ڈی ڈبلیو اردو نے ایک چارٹ تیار کیا ہے جس میں جیل میں قید صحافیوں کے اعداد شمار بیان کیے ہیں۔

سی پی جے کے ایگزکٹیو ڈائریکٹر جوئل سائمن نے کہا "خبروں کی رپورٹنگ کرنے پر صحافووں کو قید کرنا ایک آمرانہ حکومت کی پہچان ہے۔"

انہوں نے مزید کہا کہ "یہ خاص طور پر خوفناک ہے کہ میانمار اور ایتھوپیا نے آزادی صحافت پر اس قدر بے دردی سے دروازہ بند کر دیا ہے۔"

خیال رہے صحافیوں کو گرفتاری اور قید کے اعتبار سے درجہ بندی میں چین کا پہلا نمبر ہے جب کہ دوسرا میانمار اور تیسرا مصر کا ہے۔