گورنر سندھ عمران اسماعیل نے بلدیاتی ترمیمی بل پر اعتراضات اٹھا تے ہوئے کہا کہ ڈی ایم سی کے خاتمے سے کوآرڈینیشن کے مسائل ہوں گے،میونسپل کارپوریشن غیر منقولہ پراپرٹی ٹیکس سے محروم ہو جائے گی، جس کے نتیجے میں شدید مالی بحران پیدا ہو جائے گا۔

اعتراضات میں کہا گیاکہ خفیہ بیلٹنگ سے لوکل باڈی سطح پر ہارس ٹریڈنگ ہوگی، کوئی دیہی علاقہ میٹروپولیٹن کارپوریشن کا حصہ نہیں ہو سکتا۔

اعتراضات میں مزیدکہا گیا کہ ترمیمی بل کا نوٹیفکیشن آئین کیخلاف ہے، دودھ کی سپلائی اسکیم،میرج، برتھ اور ڈیتھ رجسٹریشن کا اختیار لینا بھی آئین کی خلاف ورزی ہے، سندھ اسمبلی بل پر دوبارہ غور کرے۔