اسلام آباد کی ڈسٹرکٹ سیشن کورٹ میں نورمقدم قتل کیس کی سماعت ہوئی،کیس کی سماعت ایڈیشنل سیشن جج عطا ءربانی نےکی، مرکزی ملزم ظاہرجعفرسیتع دیگر ملزمان پیش ہوئے ۔

ظاہرجعفرکے وکیل نےدرخواست میں مؤقف اپنایاکہ ظاہرجعفرذہنی مریض ہے،اس کا میڈیکل کرایا جائے۔

تھراپی ورکس کے طاہرظہورنےاستدعا کی کہ پمزکے ڈاکٹرنے ملازم امجد کامیڈیکل کیاتھاانہیں بھی بطورگواہ بلایا جائے۔

گواہ اے ایس آئی محمد زبیرنےعدالت کوبتایا کہ 20 جولائی کومکان پر پہنچے تو اس وقت 5افراد نے ملزم ظاہرجعفر کو قابو کیا ہواتھا جہاں ملزم کو گرفتار کیا ۔

گواہ ڈاکٹر انعم نے بتایا کہ کسی ملزم کی ظاہری شناخت نہیں لکھی اورنہ میرے سامنے کسی کو شناخت کیا گیا۔

بعدازاں عدالت نے نورمقدم قتل کیس کی سماعت 8دسمبرتک ملتوی کردی۔