ورچوئل فارمیٹ میں ہونے والے گروپ آف 77اور چین کے45ویں وزارتی اجلاس میں پاکستان کو گروپ کا اگلا چیئرمین منتخب کیا گیا۔

وزیرخارجہ شاہ محمود قریشی کا گروپ 77کےسربراہ ملک کی جانب سے اجلاس سے خطاب کرتے ہوئے کہنا تھا کہ جی 77 کے ممبران اور چین کا گروپ کی قیادت کیلئے پاکستان پر اعتماد کا شکریہ کرتے ہیں۔

شاہ محمود قریشی نے کہا کہ پاکستان گروپ کے ممبران کے ساتھ مل کر ترقیاتی ایجنڈےکوفروغ دینےکیلئے کام کرے گا۔

اس حوالے سے اقوام متحدہ میں پاکستان کےمستقل مندوب منیراکرم نے کہا کہ یقین ہے کہ گروپ 77 اور چین ان مقاصد کو حاصل کرنے اور چیلنجوں پر قابو پانے میں کامیاب ہوں گے۔

واضح رہے کہ جی 77 اقوام متحدہ میں 134 ترقی پذیر ممالک کی سب سے بڑی بین الحکومتی تنظیم ہے جو مختلف ممالک کو اجتماعی اقتصادی مفادات کو فروغ دینے کے ذرائع فراہم کرتی ہے۔