جی ہاں شاہد خان آفریدی نے 2006 میں آئر لینڈ کی نمائندگی کرتے ہوئے 6 میچز کھیلے اور 128 رنز بنانے کے ساتھ7 وکٹیں بھی حاصل کیں۔

شاہد آفریدی نے 2006 میں انگلش کاؤنٹی ٹورنامنٹ میں آئر لینڈ کی قومی ٹیم کی نمائندگی کی تھی،اس ٹورنامنٹ میں 18 فرسٹ کلاس انگش کاؤنٹی ٹیمیں اور 2 قومی ٹیمیں ( آئرلینڈ اور اسکاٹ لینڈ )شامل تھیں۔

شاہد آفریدی اور سابق آف اسپنر ثقلین مشتاق نے آئرلینڈ کی جانب سے بحیثیت اوور سیز کھلاڑی اس ٹورنامنٹ میں حصہ لیا۔

شاہد آفریدی سے قبل اس ٹورنامنٹ کیلئے عبدالرزاق کو آئرلینڈ کے اسکواڈ میں شامل کیا گیا تھا لیکن انہوں نے آخری لمحات میں کھیلنے سے انکار کردیا تھا۔