کالعدم تنظیم کےشرکا آج چھٹے روز بھی جی ٹی روڈ سے ملحقہ حامد ناصر چٹھہ پارک میں موجود ہیں تاہم شہر میں معمولات زندگی پوری طرح بحال ہو چکے ہیں، شہر میں تعلیمی ادارے اور مارکیٹیں مکمل کھل گئی ہیں۔

دوسری جانب چناب ٹول پر رکاوٹیں تاحال موجود ہیں جبکہ جی ٹی روڈ پرکھودی گئی خندقوں کو بھی بھرا نہیں جاسکا۔

دونوں اطراف پولیس اور رینجرز کے تازہ دم دستے بھی ڈیوٹی سرانجام دے رہے ہیں جبکہ چناب پل پر موجود رکاوٹوں کے باعث شہریوں کو شدید مشکلات کا سامنا ہے۔

وزیرآباد سے 15 کلومیٹر کے فاصلے پر ہیڈ خانکی بیراج پل کو ٹریفک کیلئے کھول دیا گیا ہے جس پر شہریوں نے سکھ کا سانس لیا، وزیرآباد تحصیل میں تاحال انٹرنیٹ سروس بحال نہیں ہوسکی۔