یہ افسوسناک واقعہ بھارتی ریاست اترپردیش میں پیش آیا جہاں نجی اسکول میں ایک کم عمر بچے کو سزا کے طور پر اسکول کی بلڈنگ سے نیچے الٹا لٹکا دیا۔

واقعے کی تصویر جب سوشل میڈیا پر وائرل ہوئی تو پولیس نے کارروائی کرکے اسکول پرنسپل کو گرفتار کرلیا۔

میڈیا رپورٹس میں کہا گیا ہے کہ اسکول کا پرنسپل اور دیگر ٹیچرز بریک ٹائم میں کھانا کھا رہے تھے کہ بچوں کے شور کی وجہ سے انہوں نے شدید ناراضگی کا اظہار کیا۔

اسکول پرنسپل نے بچے کو سبق سکھانے کے لیے سزا دینے کا سوچا اور باہر نکل کر دیکھا تو ایک بچے کو مسلسل شور کرتا دیکھ کر پہلے اس کو ڈانٹا اور پھر ٹانگ سے پکڑ کر چھت سے الٹا لٹکا دیا۔

طالب علم کے چیخنے اور معافی مانگنے کے بعد پرنسپل نے واپس اُسے اوپر کھینچ لیا۔

پولیس نے تصویر سوشل میڈیا پر وائرل ہونے کے بعد پرنسپل کو گرفتار کرکے مقدمہ درج کرلیا ہے۔