سرکاری ٹی وی پر نعمان نیاز اور شعیب اختر کے مابین تلخی کے معاملے پر ڈاکٹر نعمان نیاز قصور وار ثابت ہوگئے۔

سرکاری ٹی وی پر نعمان نیاز اور شعیب اخترکے مابین تلخی کے معاملے پر ایم ڈی پی ٹی وی کی سربراہی میں اہم اجلاس ہوا۔

ذرائع کے مطابق پی ٹی وی انتظامیہ نعمان نیازکے رویے پر سخت نالاں ہے جبکہ ابتدائی رپورٹ میں ڈاکٹر نعمان نیاز قصور وار ثابت ہوگئے۔

انتظامیہ نے شعیب اختر اور نعمان نیاز کو بلانے کا فیصلہ بھی کیا۔

واضح رہے اجلاس میں اس معاملے پر آن ایئر اور آف ایئر فوٹیجز کا جائزہ لیا گیا۔