قومی ٹیم کی جیت پر وزیراعظم عمران خان نے ٹویٹر پر اپنے ایک پیغام میں کہا کہ بھارت کے خلاف شاندار فتح پر قومی ٹیم اور بالخصوص بابراعظم کو مبارکباد پیش کرتا ہوں۔

وزیراعظم عمران خان نے شاہین شاہ آفریدی اور محمد رضوان کو بہترین کارکردگی دکھانے پر خراج تحسین بھی پیش کیا۔ وزیراعظم عمران خان نے اپنے ٹوئٹ میں لکھا کہ ’قوم کو آپ سب پر فخر ہے۔‘

وزیراعظم کی اس تصویر پر رد عمل دیتے ہوئے مریم نواز نے ٹویٹ کیا کہ 'ملک میں خلقِ خدا بھوک، مہنگائی اور نااہلی سے مر رہی ہے اور ان کو دیکھو! بے ضمیری اور بے حسی کا اگر چہرہ ہوتا تو ایسا ہوتا !۔'