شاہدخاقان عباسی اورمحمود خان اچکزئی سے ملاقات کےبعد میڈیا سے گفتگو کرتے ہوئے مولانا فضل الرحمان نے کہا حکومت نے چارماہ میں آٹھ بار پیٹرولیم مصنوعات کی قیمتوں میں اضافہ کیا۔قوم کو مہنگائی کےخلاف نکلنا ہوگا۔حکومت 22 کروڑ عوام کی نہیں بلکہ آئی ایم ایف کی لگتی ہے۔جوحکمران قوم کےلئے عذاب بن جائیں انہیں مزید مسلط رہنے نہیں دے سکتے۔

مولانافضل الرحمان نے کہا کہ تعویزجعلی نکلا اورمحبوبہ گلے پڑ گئی۔

صحافی نے سوال کیا کہ وزیراعظم عمران خان کی سول بالا دستی کی تحریک کی دعوت پر ساتھ دیں گے۔

جس پرمولانا فضل الرحمان نے جواب میں کہا کہ میں آپ کے سوال میں عمران خان کو وزیر اعظم کہنے پر احتجاج کرتا ہوں۔ عمران خان کا کسی قسم کا ساتھ نہیں دیں گے۔