وزیراعظم عمران خان سے لیفٹیننٹ جنرل فیض حمیدکی ملاقات ہوئی ہے،مختصرملاقات قومی اسلامتی کمیٹی اجلاس کے بعد ہوئی،ملاقات میں ملکی سیکیورٹی صورتحال پر تبادلہ خیال کیا گیا۔

ذرائع کا کہنا ہے کہ وزیراعظم عمران خان نے بطور ڈی جی آئی ایس آئی لیفٹیننٹ جنرل فیض حمید کی خدمات کو سراہا۔

ذرائع کا یہ بھی بتانا ہے کہ وزیراعظم نے لیفیٹننٹ جنرل فیض حمید کی نئی ذمہ داریوں کے حوالے سے نیک خواہشات کا اظہار بھی کیا۔

خیال رہے کہ دو روز قبل لیفٹیننٹ جنرل فیض حمید کو کور کمانڈر پشاور تعینات کیا گیا تھا اور ان کی جگہ لیفٹیننٹ جنرل ندیم انجم کو نیا ڈی جی آئی ایس آئی مقرر کیا گیا تھا۔