پیپلزپارٹی کراچی میں سیاسی طاقت کے مظاہرے کیلئے تیار ہیں، پیپلزپارٹی نےکراچی میں 17اکتوبر کو جلسے کا اعلان کردیا۔

جلسہ مزار قائدؒ کے قریب باغ جناح میں منعقد کیاجائے گا،جلسےسےچیئرمین پیپلزپارٹی بلاول بھٹو زرداری اور دیگر مرکزی قائدین خطاب کریں گے۔

جلسہ 18 اکتوبر کے شہداء کی یاد میں کیا جا رہا ہے، پیپلزپارٹی نے ڈی سی ایسٹ کو اجازت نامے کی درخواست دے دی ہے، درخواست پیپلزپارٹی سندھ کے جنرل سیکریٹری سید وقارمہدی نے جمع کروائی۔

درخواست میں لاؤڈ اسپیکرز کے استعمال کی اجازت بھی طلب کی گئی ہے، جلسے میں شرکت کرنے والے کارکنان کو کورونا ایس او پیز پر عمل کرنے کی سخت تاکید کی گئی ہے۔