کمشنرکراچی کی جانب سے جاری نوٹیفکیشن کے مطابق لازمی سروسز اور ایمرجنسی خدمات انجام دینے والے سرکاری ادارے کھلے رہیں گےتاہم ایمرجنسی سروس کے علاوہ تمام سرکاری دفاتر،تعلیمی ادارے اور کاروبار بند رہےگا۔

اس کے علاوہ جامعہ کراچی نےآج ہونےوالےتمام امتحانات بھی منسوخ کردیئے ہیں۔

ناظم امتحانات ڈاکٹرظفر کے مطابق امتحانات کی نئی تاریخ کا اعلان بعد میں کیا جائےگا جبکہ سندھ حکومت نے صوبے بھر میں آج تمام تعلیمی ادارے بندرکھنےکا اعلان کردیا۔

وزیر تعلیم سندھ سید سردار شاہ کے مطابق موسم کی صورت حال اور تیزبارش کے پیش نظر آج تعلیمی ادارے بند رہیں گے۔