حیدرآباد میں لونی کوٹ کےقریب خوفناک ٹریفک حادثہ پیش آیا جہاں مسافربس اورٹرالرمیں ٹکرہوگئی ،حادثے کے نتیجے میں 5افرادجان کی بازی ہار گئے جبکہ 30زخمی ہوگئے۔

ریسکیو ذرائع کے مطابق حادثےکاشکارمسافربس کراچی سے خیرپورجارہی تھی،حادثہ موٹر وے شہر بقاء کے قریب پیش آیا جب کہ حادثے کے بعد پیچھے سے آنے والی دیگر 2 کاریں بھی آپس میں ٹکرا گئیں۔

حادثے میں زخمی ہونے والوں کو کوٹری تعلقہ اسپتال منتقل کر دیا گیا ہےجہاں انہیں طبی امداد دی جارہی ہے۔