اسلام آباد میں تقریب سے خطاب کرتے ہوئے وفاقی وزیر اطلاعات و نشریات فواد چوہدری نے کہا کہ حکومت کو پہلے سال ہی بلدیاتی الیکشن نہ کرانےکا نقصان ہوا، وزیراعظم مضبوط لوکل گورنمنٹ پریقین رکھتے ہیں۔

فوادچوہدری کا کہنا تھا کہ ماڈرن حکومت کیلئےلوکل گورنمنٹ اہمیت رکھتی ہے، ماڈرن حکومت کونیچے سے اوپرکی طرف دیکھنا ہوگا، لوکل گورنمنٹ کی سب سے زیادہ مخالفت وزرائے اعلیٰ کررہے ہیں، جب تک سوچ کو آگے نہیں بڑھائیں گے ملک آگے کیسے بڑھےگا؟۔

وفاقی وزیر اطلاعات نے کہاکہ وفاق نے کراچی کو1100 ارب روپے کا پیکج دیا ،کراچی میں سندھ حکومت ایک روپیہ بھی خرچ نہیں کررہی ، اسلام آباد سے بیٹھ کرکراچی کے مسائل کیسے حل ہوسکتے ہیں؟

وفاقی وزیر اطلاعات فواد چوہدری نے مزیدکہاکہ شہبازشریف نے بجٹ کا بڑا حصہ لاہورپرخرچ کیا،18 ویں ترمیم کے بعد اختیارات وفاق سےصوبوں کومنتقل ہوئے،ملک کا سب سے بڑا مسئلہ آرٹیکل 148 پرعمل درآمد نہ ہوناہے۔

فوادچوہدری نے کہاکہ سپریم کورٹ میں آرٹیکل 140 اے کی پٹیشن 6 سال سے زیر التوا ءہے، سپریم کورٹ میں عمران خان کی پٹیشن پرسماعت ہی نہیں ہوتی۔

وزیر اطلاعات نے مزید کہاکہ ایم این ایز،ایم پی اے ، پولیس، پٹواری سےاوپرسوچنے پرراضی ہی نہیں۔