پی آئی اے،اقوام متحدہ کی ویمن ایجنسی اور وقاقی محتسب برائے ہراسانی کے مابین معاہدہ طےپاگیا ہےجس کی رو سے پی آئی اےاپنے دفاتر،ایروپورٹس اورجہاز میں ہراسگی کو روکنے کےلئے شعور اجاگر کرے گا۔ان مقامات پر ہراسگی کو روکنے کےلئے وفاقی محتسب سے مل کر قانونی چارہ جوئی بھی کی جائے گی۔

سی ای او پی آئی اے ارشد ملک، یو این وومن کی سربراہ شرمیلا رسول اور پاکستان میں وفاقی محتسب برائے ہراسانی کشمالہ طارق نے دستخط کئے۔

پی آئی اے دنیا کی پہلی ایئر لائن ہوگی جس میں اقوام متحدہ کے پروگرام کو نافذ کرنے میں اقدامات شروع کردیے۔

ایئرمارشل ارشدملک نےکہا اقوام متحدہ کی جانب سے پی آئی اے کا انتخاب پی آئی اے اور پاکستان کےلئے ایک اعزاز ہے۔بہنوں اور بیٹیوں کی حفاظت اور حسن سلوک سے پیش آنا ہماری مذہبی اور قومی روایت ہے۔

یواین وومن کی سربراہ شرمیلارسول نےکہا پاکستان میں نصف آبادی خواتین پر مشتمل ہے،خواتین کو محفوظ ٹرانسپورٹ اور ماحول فراہم کرنے سے ملک بہت زیادہ ترقی کرے گا۔

وفاقی محتسب کشمالہ طارق کی جانب سے پی آئی اے اور یو این ویمن کو مبارکباد دیتے ہوئے کہاکہ وفاقی محتسب معاشرہ میں ہراسگی کو روکنے اور ہراساں کرنے والے کو منطقی انجام پہنچانے کےلئے سرگرم رہے گا۔