پاک فوج کے شعبہ تعلقات عامہ ( آئی ایس پی آر) سیکیورٹی فورسز کی جانب سے شمالی وزیرستان کے علاقے میر علی میں خفیہ اطلاعات پر آپریشن کیا گیا۔

آئی ایس پی آر کے مطابق ، کارروائی کے دوران کالعدم ٹی ٹی پی کا کمانڈرصفی اللہ مارا گیا،دہشتگرد صفی اللہ کا تعلق میرعلی سے تھا۔

آئی ایس پی آر کے مطابق آپریشن کے دوران سیکیورٹی فورسز نے اسلحہ اور گولہ بارود بھی برآمد کرلیا۔

آئی ایس پی آر کا کہنا ہے کہ دہشتگرد صفی اللہ فروری 2021 میں این جی او کی4 خواتین کے قتل اورنومبر 2020میں ایف ڈبلیو او کے انجینئرزکی ٹارگٹ کلنگ میں ملوث تھا۔

اس کے علاوہ ٹی ٹی پی کمانڈر سیکیورٹی فورسز پر دیسی ساختہ بارودی سرنگوں کے حملوں اوراغوا برائے تاوان اور بھتہ خوری میں بھی ملوث تھا۔