پاک فوج کےشعبہ تعلقات عامہ (آئی ایس پی آر )کے مطابق شمالی وزیرستان کے علاقے رزمک میں دہشتگردوں کی موجودگی کی اطلاع پر سیکیورٹی فورسز نے آپریشن کیا،آپریشن کے دوران سیکیورٹی فورسز اور دہشتگردوں کے درمیان جھڑپ ہوگئی،جس کے نتیجے میں 2 دہشتگرد ہلاک مارے گئے۔

آئی ایس پی آر کے مطابق ہلاک دہشتگردوں سے بھاری مقدار میں اسلحہ اور گولہ بارود بھی برآمد کیا گیا ہے۔

آئی ایس پی آر سے جاری بیان کے مطابق آپریشن رزمک میں دہشتگردوں کی موجودگی کی خفیہ اطلاع پر کیا گیا تھا،آپریشن کے بعد علاقے میں کلیرینس آپریشن شروع کردیا گیا ہے، آپریشن کا مقصد باقی بچ جانے والے دہشتگردوں کا خاتمہ ہے۔