نوبل انعام یافتہ ملالہ یوسف زئی اور وفاقی وزیر فواد چوہدری کے درمیان ٹیلیفونک رابطہ ہوا.

ٹیلی فون پر گفتگو میں فواد چوہدری نے کہا پاکستان افغان مہاجرین کے بچوں کو تعلیمی سہولتیں فراہم کر رہا ہے اور پاکستان میں تقریباً چھ ہزار افغان بچے زیرِ تعلیم ہیں۔

ملالہ یوسف زئی نے وفاقی وزیر کو افغانستان میں خواتین کے حقوق کے بارے میں بین الاقوامی تشویش سے آگاہ کیا.

انہوں نے کہا کہ پاکستان افغانستان میں خواتین کی تعلیم کے فروغ کےلئے فعال کردار ادا کرے۔

ملالہ نے مزید بتایاکہ انہوں نے وزیر اعظم عمران خان کو اس بارے میں خط بھی لکھا ہے۔