وزیراعلیٰ پنجاب عثمان بزدار نے لاہور سمیت پنجاب بھر میں کورونا ایس اوپیز پر عملدرآمد یقینی بنانے کا حکم دیتے ہوئے کہا ہے کہ ایس او پیز پر عمل نہ کرنے کے باعث کورونا تیزی سے پھیل رہا ہے، بے احتیاطی کے باعث اسپتالوں میں کورونا مریضوں کی تعداد بڑھ رہی ہے۔

عثمان بزدار نے کہا کہ شہریوں کی زندگیوں کے تحفظ کیلئے اسمارٹ لاک ڈاون سمیت ہرضروری اقدام اٹھائیں گے،حکومتی ہدایات کی خلاف ورزی پر قانون کے تحت سخت کارروائی کی جائے، مانیٹرنگ ٹیمیں بازاروں،مارکیٹوں اوردیگر مقامات کی تسلسل کے ساتھ چیکنگ کریں۔

وزیراعلیٰ پنجاب نے شہریوں سے اپیل کی ہے کہ وہ فیس ماسک کا استعمال کریں اور سماجی فاصلہ اختیار کریں ، کورونا کی چوتھی لہر کی روک تھام کلئےہ شہریوں کا تعاون ضروری ہے۔