لاہور بورڈ کے زیراہتمام جماعت دہم کے سالانہ امتحانات 2021شروع ہوگئے ہیں ،3لاکھ 894 امیدوار امتحانات میں حصہ لے رہے ہیں لیکن لاہور میں رات بھر بارش نے طلبہ کو پریشان کردیا،بارش کے باعث طلبہ کو امتحانی مراکز پہنچنے میں مشکل ہوئی ۔

والدین بھی جگہ جگہ کھڑے پانی سے پریشان تو ہوئے مگر اپنے بچوں کی کامیابی کیلئے دعا بھی کرتے رہے۔

شہر بھر میں 867 امتحانی مراکز قائم کئے گئے اور سیکیورٹی اہلکار بھی تعینات رہے، ساڑھے 8بجے پہلے گروپ میں عربی اور بزنس سٹڈیز کا پرچہ ہوا۔