پاکستان کرکٹ ٹیم کے سابق کپتان اور مایہ ناز آل راؤنڈر شاہد آفریدی نیپال میں ہونے والی ٹی 20لیگ کے ساتھ معاہدہ کرلیا۔

سماجی رابطے کی ویب سائٹ ٹوئٹر پر جاری پیغام میں شاہد آفریدی نے مداحوں کو اپنے ایورسٹ پریمیئر لیگ کا حصہ بننے کی اطلاع دی۔

شاہد آفریدی کھٹمنڈو کنگز الیون کی نمائندگی کریں گے جس کی تصدیق خود ‏شاہد آفریدی اور ای پی ایل کے آفیشل ٹوئٹر اکاؤنٹ پر کی گئی ہے۔

شاہد آفریدی مقامی کھلاڑی سندیپ لامے چانے کے ساتھ ایکشن میں دکھائی دیں گے۔

ایورسٹ پریمیئر لیگ (ای پی ایل) رواں برس 25 ستمبر سے شروع ہوگی جس میں دنیا بھر کے بہترین ‏کھلاڑی شریک ہوں گے۔

شاہد آفریدی کا کہنا تھا کہ میں نیپال جانے کیلئے تیار ہوں اور وہ اس دوران مزید دیگر حسین جگہوں پر بھی جائیں گے جن کے متعلق سن رکھا کہ ان جیسی خوبصورتی اور کہیں نہیں ہے۔