لیہ میں افسوسناک ٹریفک حادثہ پیش آیا جہاں جمن شاہ کے قریب ریڑھی کو بچاتے ہوئے مسافر بس تیز رفتاری کے باعث الٹ گئی، حادثے میں 6افراد جان کی بازی ہار گئے اور40زخمی ہوگئے۔

حادثے میں زخمیوں اور مرنے والے افراد کی لاشوں کو ڈسٹرکٹ ہیڈ کوارٹرز اسپتال لیہ منتقل کر دیا گیا۔

حادثے کی اطلاع ملتے ہی علاقہ پولیس اور امدادی ٹیمیں جائے وقوعہ پر پہنچ گئیں، زخمیوں میں سے متعدد کی حالت تشویشناک ہے، پولیس نے واقعہ کی رپورٹ درج کرکے مزید کارروائی شروع کردی ہے۔