ایل اے 35کی نشست پرمسلم لیگ ن کے چوہدری اسماعیل گجر اور پی ٹی آئی کے چوہدری مقبول گجر میں کانٹے کا مقابلہ متوقع ہے جبکہ پیپلز پارٹی کےڈاکٹر اقبال اور مسلم کانفرنس کے سردارغیاث الدین بھی جیت کیلئے پرعزم ہیں۔

ایل اے 35جموں ٹو 9تحصیلوں پر مشتمل ہے جن میں گوجرانوالہ،کامونکی،وزیرآباد، نوشہرہ ورکاں،حافظ آباد،پنڈی بھٹیاں،ڈسکہ،پسرور اور سمبڑیال شامل ہیں۔

پولیس کی طرف سے سیکیورٹی کےفول پروف انتظامات کےم گئے ہیں،2ہزار سے زائدافسران اوراہلکار حلقے میں اپنے فرائض انجام دے رہے ہیں۔

سیکیورٹی کا جائزہ لینے کیلئے کمشنراور آر پی او آفس میں کنٹرول روم بھی قائم کیا گیا ہے، پولنگ کا عمل بلا تعطل شام 5بجے تک جاری رہے گا۔