وزیراعظم عمران خان نے چینی ہم منصب لی کی چیانگ سے ٹیلیفونک رابطہ کیا،جس میں وزیراعظم کی جانب سے اپرکوہستان میں ہونے والے داسو واقعےمیں چینی شہریوں کی ہلاکت پرافسوس کا اظہار کیا ۔

وزیراعظم کا کہنا تھا کہ پاکستانی عوام اورحکومت متاثرہ چینی خاندانوں کےغم میں برابرکی شریک ہے ،زخمی چینی شہریوں کوبہترین طبی امدادفراہم کی جارہی ہیں۔

عمران خان نے مزید کہا کہ واقعے کی مکمل اور تمام پہلوؤں سےتحقیقات کی جارہی ہیں،چینی شہریوں ،منصوبوں اوراداروں کی حفاظت اولین ترجیح ہے،دشمن قوتوں کو پاک چین برادرانہ تعلقات کو نقصان پہنچانے کی اجازت نہیں دیں گے۔