الیکشن کمیشن کے جاری کردہ شیڈول کے مطابق ملک بھر کے کنٹونمنٹ بورڈز میں انتخابات کیلئے پولنگ 12ستمبر کو ہوگی، ریٹرننگ افسران 26جولائی سے 29جولائی تک کاغذات نامزدگی وصول کریں گے،کاغذات نامزدگی کی جانچ پڑتال 31جولائی سے 3 اگست تک ہوگی اور امیدواروں کی حتمی فہرست 13 اگست کو آویزاں کی جائے گی۔

الیکشن کمیشن نے شیڈول جاری ہونے کے بعد سرکاری افسران کے تبادلوں اور تقرریوں پر پابندی لگادی جبکہ وزیر اعظم، گورنر، وزرائے اعلیٰ، وفاقی و صوبائی وزرا ءکنٹونمنٹ بورڈز کا دورہ نہیں کرسکیں گے، اس کے علاوہ متعلقہ کنٹونمنٹ بورڈز میں کسی قسم کی ترقیاتی اسکیم کا اعلان بھِی نہیں کیا جا سکے گا۔