دلیپ کمار کے انتقال پر پاکستان میں بھی دکھ کا اظہار کیا جارہاہے،وزیراعظم عمران خان اورصدرمملکت عارف علوی نے لیجنڈ اداکار دلیپ کمار کو ایک عظیم اور بہترین انسان قرار دیاجبکہ دیگر سیاسی رہنما ءبھی نامور اداکار کے انتقال پر غمزدہ ہیں۔

وزیراعظم عمران خان کا دلیپ کمارکی وفات پراظہار افسوس

سماجی رابطے کی ویب سائٹ ٹوئٹر پر اپنے پیغام میں وزیراعظم عمران خان نے بھارتی اداکار دلیپ کمارکی وفات پرافسوس کا اظہار کرتے ہوئے کہا کہ دلیپ کمارکےانتقال کا سن کربہت رنج ہوا۔

Saddened to learn of Dilip Kumar's passing. I can never forget his generosity in giving his time to help raise funds for SKMTH when project launched. This is the most difficult time - to raise first 10% of the funds & his appearance in Pak & London helped raise huge amounts.

— Imran Khan (@ImranKhanPTI) July 7, 2021

وزیراعظم نے کہا کہ دلیپ کمارلیجنڈری اداکاراوربہترین شخصیت تھے، شوکت خانم اسپتال کی چندہ مہم میں دلیپ کمارنےتعاون کیا، پہلے 10فیصد فنڈز اکٹھا کرنا سب سے مشکل وقت تھا، دلیپ کمارکےتعاون سے رقم اکٹھی کرنے میں مدد ملی، دلیپ کمار کی فیاضی کو کبھی نہیں بھول سکتا۔

Apart from this, for my generation Dilip Kumar was the greatest and most versatile actor.

— Imran Khan (@ImranKhanPTI) July 7, 2021

صدرمملکت عارف علوی کا دلیپ کمار کے انتقال پر افسوس کا اظہار

صدر مملکت عارف علوی نےبھارتی اداکار دلیپ کمار کے انتقال پر افسوس کا اظہار کرتےہوئے کہا کہ مرحوم بہترین اداکار، عاجزانسان اور عظیم شخصیت تھے،اللہ تعالیٰ مرحوم کو جنت الفردوس میں جگہ عطا فرمائے۔

Sorry to see Dilip Kumar (Yusuf Khan) depart from his worldly abode. An outstanding actor, a humble man, and a dignified personality. Condolences to the immediate family and his huge family of admirers. May his soul rest in peace. اِنَّا لِلّٰہِ وَاِنَّآ اِلَیْہِ رَاجِعُوْنَ

— Dr. Arif Alvi (@ArifAlvi) July 7, 2021

وزیر داخلہ شیخ رشید کا بھارتی اداکار دلیپ کمار کی وفات پراظہار افسوس

وفاقی وزیرداخلہ شیخ رشید نے بھارتی اداکاردلیپ کمار کی وفات پر افسوس کا اظہار کرتےکہا کہ دلیپ کمارایک عہد سازفنکار تھے،ان کا متبادل ممکن نہیں، ملاقاتوں میں بھی یوسف خان کوایک سحرانگیز شخصیت پایا۔

اداکار یوسف خان المعروف دلیپ کمار کی وفات پراظہار افسوس

دلیپ کمار ایک عہد ساز فنکار تھے؛ انکا متبادل ممکن نہیں۔

اپنی ملاقاتوں میں بھی میں نے یوسف خان کو ایک سحر انگیزشخصیت پایا۔

اللہ تعالی یوسف خان کے درجات بلند کرے۔ ان کی لواحقین کو صبر عطا کرے۔

— Sheikh Rashid Ahmed (@ShkhRasheed) July 7, 2021

دلیپ کمار کی وفات فلمی دنیا کے ایک سنہری عہد کا تمام ہونا ہے، فواد چوہدری

وفاقی وزیراطلاعات فواد چوہدری نے اپنے تعزیتی پیغام میں کہا کہ دلیپ کمارکی وفات فلمی دنیا کے ایک سنہری عہد کا تمام ہونا ہے ،بھارتی فلم نگری میں یوسف خان بن کر جانے والے کو دلیپ کمارکی غیر معمولی شہرت نے بام عروج پرپہنچایا، جہاں جہاں اردو بولی اور سمجھی جاتی ہے دلیپ کمارکا نام دلوں کی دھڑکن ہے۔

An Iconic hero! Dilip Kumar is no more,loved by Millions of people in the sub continent and around the world tragedy king will be missed always... RIP Yousaf Khan aka Dilip Kumar https://t.co/xoQYV014xA

— Ch Fawad Hussain (@fawadchaudhry) July 7, 2021

شہباز شریف کا دلیپ کمار کے انتقال پر افسوس کا اظہار

مسلم لیگ (ن)کے صدر اور قومی اسمبلی میں اپوزیشن لیڈرشہباز شریف نے دلیپ کمارکے انتقال پر افسوس کا اظہار کرتے ہوئے کہا کہ پشاور کا یوسف خان بالی ووڈ میں دلیپ کمار بن کر فن کے آسمان پر برسوں چھایا رہا اور آج لیجنڈ کی صورت دنیا سے رخصت ہوا۔

The word legend is overused; however, Dilip Kumar lived up to that status. He will forever be the shining star for art & cinema lovers. A great performer who was also involved with various charitable/social initiatives. My sympathies with grief-stricken family. Adios, Dilip sahib pic.twitter.com/zVCQxzEy5x

— Shehbaz Sharif (القدس في العيون) (@CMShehbaz) July 7, 2021

شہباز شریف نے یوسف خان کے فنی سفر کو فلمی دنیا کا یادگار ترین دور قرار دیتے ہوئے کہا کہ دلیپ کمار کی پاک، بھارت تعلقات کیلئے کوششیں ان کی امن پسندی کا مظہر تھیں، دعا ہے کہ اللہ تعالیٰ مرحوم کو اپنے جوار رحمت میں جگہ عطا فرمائے۔

چیئرمین پیپلزپارٹی بلاول بھٹو کا بھی دلیپ کمار کے انتقال پر اظہار افسوس

پاکستان پیپلزپارٹی کے چیئرمین بلاول بھٹو زرداری نے بھی دلیپ کمار کے انتقال پر افسوس کا اظہار کرتے ہوئے کہا کہ دلیپ کمار فنِ اداکاری کا ایک عہد تھا جو تمام ہوا۔

پی پی پی چیئرمین بلاول بھٹو زرداری کا دلیپ کمار کے انتقال پر دکھ و افسوس کا اظہار

دلیپ کمار فنِ اداکاری کا ایک عہد تھا، جو تمام ہوا: بلاول بھٹو زرداری@BBhuttoZardari

— PPP (@MediaCellPPP) July 7, 2021

فن کیلئے دلیپ کمار کی خدمات کو تاریخ میں ہمیشہ یاد رکھا جائے گا،گورنر پنجاب

گور نر پنجاب چوہدری سرور نے گلاسکو مسجد کے دورے کی دلیپ کمار کے ساتھ اپنی تصویر شیئر کی اور کہا کہ فن کیلئے دلیپ کمار کی خدمات کو تاریخ میں ہمیشہ یاد رکھا جائے گا۔

ناموراداکار @TheDilipKumar کے انتقال کی خبرسن کر افسردہ ہوں ان سے گلاسکو کی مسجد کے دورے کے دوران ایک یادگارملاقات ہوئی وہ ایک کامیاب ترین فنکار کے ساتھ ساتھ ایک بہترین انسان بھی تھے انکی فن کیلئے خدمات ہمیشہ یادرہے رہیں گی غم کی اس گھڑی میں انکی فیملی کے ساتھ ہیں
#DilipKumar pic.twitter.com/TvIO9so3mI

— Mohammad Sarwar (@ChMSarwar) July 7, 2021

وزیراعلیٰ پنجاب کا دلیپ کمار کے انتقال پر دکھ اور افسوس کا اظہار

وزیراعلیٰ پنجاب عثمان بزدار نےبھارتی اداکار دلیپ کمارکے انتقال پردکھ اورافسوس کااظہار کرتے ہوئے کہا کہ دلیپ کمارکے انتقال سے فلم انڈسٹری کےایک عہد کا خاتمہ ہوا ۔

وزیر اعلی خیبر پختونخوا کا لیجنڈ اداکار دلیپ کمار کے انتقال پر افسوس کا اظہار

وزیر اعلی خیبر پختونخوا محمود خان نے لیجنڈ اداکار دلیپ کمارکے انتقال پر افسوس کا اظہار کرتے ہوئے مرحوم کے اہل خانہ سے دلی ہمدردی اور تعزیت کا اظہار کیا۔

Chief Minister KP Mahmood Khan expressed grief over the demise of legendary actor Yousuf Khan ( #DilipKumar).

He also expressed his heartfelt sympathy and condolence to the family of the decease. pic.twitter.com/KD2gleyrIc

— Chief Minister KP (@CMPakhtunkhwa) July 7, 2021

وزیراعلیٰ خیبرپختونخوامحمود خان نے کہا کہ دلیپ کمار کے انتقال سے فلمی دنیا کا ایک سنہرا باپ بند ہوگیا ،مرحوم یوسف خان اپنے مداحوں کے دلوں میں زندہ رہیں گے، اداکاری کے شعبے میں مرحوم کی خدمات اور کامیابیوں کو عرصہ دراز تک یاد رکھا جائے گا ۔

عوام دلیپ کمار کوہمیشہ یاد رکھیں گے،کامران بنگش

معاون خصوصی اطلاعات خیبرپختونخواکامران بنگش نے کا کہنا ہے کہ دلیپ کمار نے ہمیشہ پشاور کی محبت کو سینے سے لگائے رکھا،عوام بھی انہیں ہمیشہ یاد رکھیں گے۔

دلیپ کمارحقیقت میں ایک بڑے اداکار اور انسان تھے،فیصل جاوید

سینیٹر فیصل جاوید نے کہاکہ اللہ پاک یوسف خان کے درجات بلند فرمائیں،وہ حقیقت میں ایک بڑے اداکار اور انسان تھے،ان کےاندازاداکاری نے نسلوں تک اس فن سےوابستہ افراد کومتاثرکیا، دلیپ کمارکئی ایک سماجی اورخیراتی سرگرمیوں کا بھی حصہ رہے ۔