کراچی میں گرم موسم اوراوپر سے بجلی کی بندش کےباعث شہری دہری اذیت سے دوچار ہوگئے۔

لیاقت آباد، نارتھ ناظم آباد، نیو کراچی،نارتھ کراچی، سرجانی، بنارس، گارڈن، کیماڑی اور اولڈسٹی ایریا سمیت کئی علاقوں میں 8 سے 10 گھنٹےبجلی کی بندش جاری ہے۔

شہریوں کا کہنا ہے کہ بجلی بندش کا کوئی وقت نہیں،نہ دن میں سکون ہے نہ رات میں چین کوئی پوچھنے والا نہیں،رات میں کئی گھنٹے بجلی بند کی جاتی ہے۔

ادھر کے الیکٹرک کا کہنا ہے کہ شہر بھر میں بجلی کی فراہمی معمول کے مطابق جاری ہے۔