پاک فوج کے شعبہ تعلقات عامہ (آئی ایس پی آر )کے مطابق دہشتگردوں کی جانب سے شمالی وزیرستان کے علاقے دوا توئی میں انٹرنیشنل بارڈر پر افغانستان سے فوجی چیک پوسٹ پر فائرنگ کی گئی،جس کے نتیجے پاک فوج کے 2 جوان شہید ہوگئے۔

آئی ایس پی آر کے مطابق شہید ہونے والوں میں حولدارسلیم اور لانس نائیک پرویز شامل ہیں جبکہ فائرنگ کے بعد پاک فوج کی طرف سے فوری اور مؤثر جواب دیا گیا۔

آئی ایس پی آر کے مطابق پاکستان بار بار افغانستان کو مؤثر بارڈر کنٹرول کیلئے کہہ رہا ہے، ساتھ ہی پاکستان کیخلاف افغان سرزمین دہشتگردی کیلئے استعمال ہونے پر شدید احتجاج بھی کیا گیا ہے۔