کرینہ کپور نے کہا کہ میں سلمان سے کہہ چکی ہوں کہ وہ ایک برے اداکار ہیں، مجھے وہ بالکل پسند نہیں ہیں۔

شاہ رخ خان سے متعلق سوال پر کرینہ نے کہا کہ مجھے شاہ رخ سے محبت ہے، مجھ سے ان کے بارے میں مت پوچھیں کیونکہ اگر میں شروع ہو گئی تو گھنٹوں ان کی تعریفوں کے پل باندھتی رہوں گی۔

انہوں نے کہا کہ شاہ رخ خان اور امیتابھ بچن وہ دو اداکار ہیں جنہیں میں بہت پسند کرتی ہوں۔

ان کا کہنا تھا کہ شاہ رخ خان میں بہت کشش ہے جس کی وجہ سے ہر لڑکی ان کی جانب کھچی چلی آتی ہے اور ان کی اداکاری بھی لاجواب ہے۔

واضح رہے کہ اداکارہ کرینہ کپور خان باصلاحیت اداکارہ ہونے کے ساتھ بہترین بیوی اور ماں بھی ہیں۔ اداکار سیف علی خان اورکرینہ کپور گزشتہ 9 برسوں سے ایک خوشگوار شادی شدہ زندگی گزار رہے ہیں جب کہ دونوں کا دو بیٹے بھی ہیں، دونوں دیگر شادی شدہ بولی وڈ جوڑوں کیلئے مثال ہیں۔

حالانکہ جب سیف علی خان کی کرینہ کپور سے شادی ہوئی تھی تو ایک حلقے کی جانب اس پر ناراضگی کا اظہار کیا گیا تھا اور اس کے بعد اسی حلقے سے مسلسل یہ بات کہی جاتی ہے کہ یہ "لَو جہاد" کی مثال ہے۔