صوبائی وزیر صحت ڈاکٹریاسمین راشد نےلاہورمیں پریس کانفرنس کرتے ہوئے کہا ہے کہ پنجاب میں کورونا کیسز کی شرح 2اعشاریہ93 فیصد اور لاہور میں 1 اعشاریہ 50 فیصد ہے۔ کورونا کیسزمیں کمی کے باوجود شہریوں کو ابھی حفاظتی تدابیر پر عمل کرنے کی ضرورت ہے۔

وزیرصحت پنجاب نے ویکسی نیشن کے حوالے سے گفتگوکرتےہوئے کہا کہ ہر دوائی معمولی سائڈ افیکٹ ہوتا ہے اسی طرح کورونا ویکسین کےبعد بھی کسی حد تک بخارہوجانا خطرناک بات نہیں ہے۔

ڈاکٹریاسمین راشد نے کہا کہ کیسز کی کمی کومد نظر رکھتے ہوئے سیاحتی مقامات اور واٹر پارکس کو ایس او پیز کے تحت کھول دیا گیا ہےتاہم سنیماز،تھیٹرز اور انڈور جم ابھی تک بند ہیں۔ ملتان کے6 علاقوں میں کورونا کے بڑھتےکیسز کے باعث سمارٹ لاک ڈاون کا نفاذ بھی کیا گیا ہے۔