کراچی میں گرمی کیا آئی،شہرکی بجلی ہی گل ہوگئی،لیاقت آبادسی ون اوربی ون ایریامیں رات بھر بجلی غائب رہی ۔

فیڈرل بی ایریا،اےبی سینیالائن،جیکب لائن،شاہ فیصل کالونی،ناظم آباد،پاپوش نگر،اورنگ آباد،جیلانی منزل خلافت چوک،چاندنی چوک،پی آئی بی کالونی،ایف سی ایریا،ہادی مارکیٹ کے علاقہ مکین بجلی سے محروم رہے۔

اس کے علاوہ نصرت بھٹو کالونی، خواجہ اجمیر نگری،یوسف گوٹھ، بلدیہ اور اتحاد کالونی سمیت متعدد علاقوں میں بجلی کی بدترین لوڈشیڈنگ سےعلاقہ مکین پریشان ہوگئے ، گرمی اور حبس نے مشکلات بڑھادیں۔

شہریوں نے شکوہ کیا کہ گرمی آتے ہی طویل لوڈشیڈنگ شروع ہوگئی،کےالیکٹرک نظام بہترکیوں نہیں کرتی۔

دوسری جانب ترجمان کے الیکٹرک کا کہنا ہے کہ شہر میں بجلی کی فراہمی معمول کے مطابق جاری ہے۔