وفاقی وزیراور نیشنل کمانڈ اینڈ آپریشن سینٹر(این سی او سی )کے سربراہ اسدعمر نے سماجی رابطے کی ویب سائٹ ٹوئٹر پر اپنے پیغام میں کہا کہ این سی او سی نے 19سال سےزائدعمرکے افرادکی کورونا ویکسی نیشن شروع کرنے کا فیصلہ کیاہے،19سال سے زائد عمر کے افراد کیلئے رجسٹریشن کل سے شروع ہوگی ۔

In today's NCOC meeting we decided to open up vaccination registration for all 19 years and above. This registration will start from tomorrow. So now registration will be open for the entire national population which is approved by health experts for covid vaccination

— Asad Umar (@Asad_Umar) May 26, 2021

اسد عمرنے مزید کہا کہ اب رجسٹریشن پوری قوم کیلئےہوگی جنہیں ماہرین صحت نےویکسین کیلئے منظور کرلیا ہے۔

ڈاکٹر فیصل سلطان کی عوام سے رجسٹریشن اور ویکسی نیشن کروانے کی اپیل

دوسری جانب معاون خصوصی برائے صحت ڈاکٹر فیصل سلطان نے عوام سے زیادہ سے زیادہ رجسٹریشن اور ویکسی نیشن کروانے کی اپیل کردی۔

معاون خصوصی صحت ڈاکٹر فیصل سلطان نے ماس ویکسینیشن سنٹر اسلام آباد کا دورہ کرتے ہوئے انتظامات کا جائزہ لیا۔

ڈاکٹر فیصل سلطان کا کہنا تھاکہ کورونا سے بچاؤکیلئے خصوصی اقدامات کے تحت ویکسی نیشن پلان پرعملدرآمد یقینی بنایا جارہا ہے، مقصد شہریوں کو ویکسین لگانے میں آسانیاں پیدا کرنا ہے۔